BMW kompaniýasy şu ýylyň aprel aýynda 8-nji seriýaly awtoulaglarynyň önümçiligini bes eder. Bu barada CarBuzz neşiri kompaniýanyň beren maglumatyna salgylanyp habar berýär.

Bu karar modeliň adaty durmuş dowamlylygynyň (life cycle) tamamlanmagy bilen düşündirilýär. Mundan ozal, awtoulag brendiň resmi saýtyndaky konfiguratordan aýrylypdy. Şeýle hem, BMW-niň ABŞ-daky we Germaniýadaky saýtlarynda 8-nji seriýa barada maglumatlar galmady. Model iň soňky gezek 2022-nji ýylda täzelenipdi.

Seriýadan ýüz öwürmek tapgyrlaýyn amala aşyryldy. Konweýerde iň uzak wagtlap M görnüşleri — kupe, kabriolet we Gran Coupe galdy. Iň soňky modifikasiýa ýörite dizaýnly M850i Edition M Heritage boldy.

Ol geçen ýylyň ortalarynda tanyşdyrylypdy, eltip bermek hyzmaty bolsa 2026-njy ýylyň başynda meýilleşdirilipdi. Onuň sany 500 nusga bilen çäklidir we bar bolan maglumatlara görä, olaryň önümçiligi tamamlanmaga golaýlaşýar.

8-nji seriýanyň ýerini tutup biljek täze model barada häzirlikçe resmi maglumat ýok.