Tanyşdyrylandan 5 ýyl soňra ahyry «Romotow T8» tekerli öý öndürilip başlandy. Ol beýleki tekerli öýlerden bezegi we ajaýyp mümkinçilikleri bilen düýpli tapawutlanýar.

«Romotow T8» tekerli öýüň ýaşamak üçin niýetlenen bölegi 90 dereje aýlanmaga ukyply. Aýlanandan soňra öýüň ýaşaýjylarynyň «howlusy» bolar. Olar tebigat bilen sazlaşykly dynç alyp bilerler. Öý şeýle ýagdaýda maglumat göterijilere (fleşka) meňzeýär.

Öýde sargyda görä, diwarlarda telewizor, köçe ýagtyldyjy çyralar, häzirki zaman audio ulgam, bir ýa-da iki orunlyk krowat oturdylyp bilner. Ol özüni Günden energiýa alýan 200 As-lyk litiý batareýa bilen «işletmäge» ukyply.