Kia kompaniýasy meşhur Sportage we Sorento modellerini, olar bolan isleg dowam edýänçä, içinden ýanýan dwigateller (IÝD) bilen öndürmegini dowam eder.

Britaniýa bölüminiň başlygy Pol Filpott, brendiň Beýik Britaniýadaky elektromobil satuwynyň 100 müňden geçendigine garamazdan, ugurda adaty awtoulaglaryň saklanyp galjakdygyny tassyklady. Kia-nyň elektrik ulaglarynyň meşhurlygynyň artmagy e-Niro modeli bilen başlady: eger 2020-nji ýylda bu ulaglardan 7,5 müň sanysy satylan bolsa, 2025-nji ýylda satuw möçberi 21,9 müňden geçdi. Şeýle-de bolsa, kompaniýa gibridlere we nusgawy güýç gurnamalaryna maýa goýmagy dowam etdirýär.

Ýakyn 12–18 aýyň dowamynda Sportage-iň indiki nesliniň çykmagyna garaşylýar. Bu model gibrid görnüşlerini saklap galar, emma benzinli wersiýalary kem-kemden assortimentden çykarylar. Meňzeş çemeleşme Seltos krossoverine hem ulanylar we ol Britaniýa bazarynda diňe gibrid görnüşinde bolar.

Ekologik kadalaryň berkidilmeginiň 2029-njy ýyla çenli IÝD-li awtoulaglaryň satuwyny ep-esli çäklendirip biljekdigini bellemek gerek, şol sebäpli 2026-njy ýylyň täze modelleri has ýygy-ýygydan elektrikleşdirilen gurnamalar bilen enjamlaşdyrylar.