«Türkmenawtoulaglary» agentliginiň «Maryawtoulag» önümçilik birleşigi boýunça 2023-nji ýylyň birinji çärýeginde 546 müň tonna halk hojalyk ýükleri daşaldy. Bu bolsa meýilnamanyň 104 göterim ýerine ýetirilendigini görkezýär.

Ýanwar — mart aýlarynda 11 million 995 müň tonna kilometre barabar ýük dolanyşygy amala aşyryldy.

Habarda bellenilişi ýaly, önümçilik birleşigi boýunça ýylyň başyndan bäri 5 million 945 müň ýolagçy gatnadylyp, bu baradaky tabşyryk 109,6 göterim ýerine ýetirilipdir. Ýolagçy dolanyşygy 36 million 530 müň kilometre barabar berjaý edilipdir.