Yakyndar

Baş sahypa Biz barada Habarlaşmak Hyzmatlar Bildirişler

TÜRK AWTOULAGY TÜRKMENISTANA AK REŇKDE GETIRILER

Kategoriýa: Habarlar

«Togg» kysymly türk awtoulaglaryna bütin dünýäde, aýratyn-da, türki döwletlerinde uly gyzyklanma bildirilýär. Bu barada ýurduň daşary işler ministri Mewlut Çewuşoglynyň sözlerine salgylanyp «TRT» telekanaly habar berýär.
4-nji aprelde bu kysymly elektromobiliň ikinjisi Azerbaýjanyň Prezidenti Ilham Aliýewe sowgat berildi. Türk daşary işler ministriniň mälim etmegine görä, şeýle awtoulaglar Türkmenistan we Özbegistana hem iberiler. Türkmenistan üçin öndüriljek awtoulag ak görnüşde bolup, ol bir aýyň dowamynda taýýarlanylar.
«Togg» kysymly awtoulaglaryň 2030-njy ýyla çenli ýylda 1 million sanysyny öndürmek meýilleşdirilýär. Şeýle görnüşli awtoulaglar 2 görnüşde — ýangyç we elektrik bilen işleýän görnüşlerde öndürilýär. Onuň ýakyn ýyllarda 4 sany modeliniň önümçiligine girişmek göz öňünde tutulýar.