Özbegistandaky «UzAuto Motors» zawodynda öndürilen, elýeterli «Chevrolet Onix» ulagynyň satuwy başlandy. Ol kompaniýanyň global platformasy bolan «GEM-iň» esasynda öndürilip, ösýän döwletleriň bazaryna niýetlenendir. Awtomobilde dünýä talaplaryna laýyk gelýän ülňüleriň ählisi göz öňünde tutulypdyr.

Ulag «mehanika» we «awtomat» görnüşli öndürilýär. Müşderiler, isleglerine görä, 1,2 litrlik, 90 at güýçli, üç silindrli, benzin bilen işleýän «mehanikany» ýa-da 132 at güýçli kuwwaty bolan alty basgançakly «awtomaty» satyn alyp bilerler.

Ulagyň Merkezi Aziýa ýurtlarynda satylmagyna garaşylýar. Awtomobiliň Özbegistandaky bahasy 150 million suma golaýdyr.