Dünýäniň iň köp awtomobil öndürýän kompaniýasy «Toyota» «bütindünýä strategiki awtomobiliniň», ýagny «Camry» sedanynyň Ýaponiýadaky önümçiligini bes edýändigini yglan etdi.

Awtomobil 43 ýyl bäri dünýäniň iň meşhur ulaglarynyň biri bolmagynda galýardy. Emma ýapon bazarynda sedanlaryň meşhurlygy gaçýar. Häzirki wagtda bu ulaglaryň ýylda jemi 600 000-si öndürilýär. Ýaponiýada olaryň bary-ýogy 6000 sanysy satylypdyr. Bu bolsa onuň dünýädäki möçberiniň bary-ýogy 1 göterimine deňdigini aňladýar. Şu sebäpli hem ulag indi Ýaponiýada öndürilmez.

Onýyllyklaryň dowamynda ulagyň 21 million töwereginiň satylandygy nygtalýar.